شمــــــــــــــــــــــــــــس العــــــــــــمر

**********

***


شمس العمر لها في عمري قصه بألف عام


نورها كان ساطع حتى في لحظات المغيب


***


ليه يا بعد عمري والقلب وحب اغلى الايام


بخلت بحبك وبِعدت وانت مني قريب


***


أكثرت عليّ عتابك وصار كلامك كله ملام


صرت بحبك تتغلّى عليّ وصار حبك غريب


***


ليه يا دُنياي تِراجعت عن وعودك والكلام


صار كلامك قاسي وحالك معي عجيب


***


وعدتني تكون مخلص ولو حتى في الخصام


عاهدتني تكون حبي وتكون لي النصيب


***


داويت لي جرح الزِمان وشلت عني آلام


خففت لي عنى قلبي ومن روحي شِلت التعذيب


***


قـُلت لي أنا إخترتك وبدّيتك على كل الانام


قلت لي إنت عندي اول وآخر حبيب


***


كنت لي طبيب قلبي ومشتت كل الأوهام


وعودك كانت دِواي وإنت الطبيب


***


قلت لك يا خوفي تكون وعودك كلام


قلت لك خايف تتراجع وعن عيني تغيب


***


قلت لك خايف تنتهي الاحلام في لحظة ملام


وتبتعد عني بعد ما جرحي صار منك يطيب


***


كنت ولا زلت هوى عمري وأغلى من أغلى الايام


وكانت نار شوقي لك في لحظات البعد لهيب


***


اتاري عهودك كلها كانت كلام في كلام


زدتي جرحي إتساع وسِكن القلب تعذيب


***


نهيتي حبك الزايف في لحظة خصام


وعقدتي من الهوى زادت وصرت في هالدنيا غريب


***


وعودك وعهودك كانت كلام وانا صرت مو قد المقام


واثاري شمس العمر ما بدت تشرق بل تغيب


***


عهودك كانت نسج من الجيال في جُنح الظلام


توّهتِني في ايامك وما لقيت وعدي والنصيب


***


مجروح من الهوى وجرحي يزيد مع الأيام


تِمرمر لي العسل بعد ما كان مُر الزمان لي معك يطيب


***


قلت معاك الحياه وشفت عمري معاك قِدام


اثاريها كانت اوهام وسراب وما كنت لي الحبيب


***


يا شمس العمر أكتبي اني انتهيت في الظلام


وما درى عني احد لا صديق ولا حتى قريب


***


كنت وحيد وبأعيش وحيد مع غدر الايام


هذا اللي انكتب عليّ وهذا هو النصيب


***


بأعيش مع شمس العمر وحيد بَعد ما زادت الآلام


وجرحي اللي كان واحد صار جروح ٍ ما تطيب


***


تحسفت على أيامي اللي راحت في حُبك والهيام


شباب والراس شايب والقلب الشباب يشيب


***


الحق مو عليك الحق على قلبي اللي تعلق بحبال الغرام


وحبال الغرام سراب وإنت مالك في الطيب نصيب


***


الهوى غدار وما يغيّر الحب من غدر الأيام


وهالزمان ما فيه أمل وبيبقى دايم كئيب


***


ليتك ما جيتني ولا وعدتني ولا شفتك قبل عام


ليتني مِت ولا عشت مع شمس العمر في لحظة مغيب

**********